Page 180 - Tailoring Electrospinning Techniques for Regenerative Medicine - Marc Simonet

L’inschigneria da tessids è ina tecnica che pussibilitescha da producir tessids vivents per la medischina regenerativa. Per che cellas produceschian tessids dovran ellas ina puntanada da basa sco fundament adattà. Per trair a niz cumplettamain il potenzial da l’inschigneria da tessids èsi decisiv che la puntanada è ina copia uschè exacta sco pussaivla da la matrix extracellulara natirala (MEC) dal tessì da mira. Quest paradigma actual da la medischina regenerativa è in dals motivs, pertge ch’il filar electronic attira blera attenziun en connex cun la producziun da talas puntanadas per l’inschigneria da tessids. Il filar electronic pussibilitescha dad entaisser numerus materials sco p.ex. materials sintetics, ma era materials natirals sco saida en di erentas sorts da puntanadas fibrusas che sumeglian structuralmain la MEC. Blers facturs biomimetrics impurtants sco la caracteristica mecanica, la biocumpatibilitad ed il profil da decumposiziun biologic dependan da la tscherna dal material, pon dentant era vegnir influenzads dal process da filar electronic sco tal. Di erents biomoleculs pon p.ex. vegnir integrads en puntanadas filadas electronicamain per influenzar cellas e diriger la furmaziun da tessids. En questa lavur vegnan preschentadas metodas per meglierar la reproducibladad, funcziunalitad ed utilitad da puntanadas filadas electronicamain per il diever in- vivo sco er in-situ. La finamira superiura è d’accentuar e da meglierar l’appblicabladad dal filar electronic sco metoda per sviluppar products per la medischina regenerativa.
La reproducibladad insu izienta è in dals gronds facturs limitants che frainan il svilup da products medicinals filads electronicamain. Cun ina chombra per il filar electronic climatisada sviluppada en il decurs da quest doctorat ha pudì vegnir meglierada considerablamain la reproducibladad dal process da filar electronicamain areguard la stabilitad dal process, la morfologia da las fibras e l’orientaziun. Cun questa chombra èsi plinavant pussaivel d’utilisar parameters dal conturn sco l’umiditad relativa per adattar tschertas caracteristicas da la puntanadas sco p.ex. la morfologia da las fibras.
In’infiltraziun cumpletta en la puntanada da fibras è decisiva per producir in tessì omogen. In dischavantatgdapuntanadasfiladaselectronicamain convenziunalas è l’infiltraziun da las cellas limitada, perquai che las rasadas da fibras èn fitg spessas. Quai limitescha l’infiltraziun da las cellas, en spezial sche las fibras han in diameter da pli pauc ch’insaquants micrometers. L’emprima part da questa lavur sa concentrescha sin in engrondiment controllà dals spazis en puntanadas filadas electronicamain cun il svilup dal filar electronic a temperatura bassa. Cun sfradentar il collectur sin almain -35°C èsi pussaivel dad isolar fibras sinteticas e cristals da glatsch che derivan da l’umiditad da l’aria che condensescha. Ils cristals da glatsch vegnan integrads tranter las fibras sinteticas e servan ad ina porusitad pli gronda, vul dir dapli spazis tranter las rasadas da fibras che faciliteschan a las cellas da s’infiltrar era sche las fibras èn submicrometras. Grazia ad ina porusitad
178